Sa mundong ating ginagalawan
Mga mata'y nasa mga kabataan
Isang hamong hinuhusga ang ating kakayanan
Tinatanong kung ano ang maiaambag sa Kasalukuyan
Sa kapwa, sa bayan, maging sa lipunan
Pilit pinupuga ng mga salitang
Walang katuturan, walang katotohanan.

Minsay natanong ko rin sa sarili ko
Ano ba ang kaya ko?
Ano ba ang maiaambag ko?
Ano nga ba ang maitutulong ko?
Tama ba ang mga sabi-sabi ng mga taong ito?
Mga tanong na ako lang ang syang makakabuo.

Ngunit Isang araw, nagulat ako sa aking nasaksihan
Pawang mga kabataan ang nakikita ko sa may unahan
Hindi ko mawari kung ano ang kanilang pinagkakaabalahan
Basta ang alam ko'y may ginagawa silang di' ko alam.

Lumakad ako ng pasulong upang makita ang aksyon.
Namumulot ng basura, nagtatanim ng mga puno, 
Nagbibigay aral at inspirasyon
Sa kapwa kabataang may ambisyon.
Tinanong ko sila kung bakit nila ito ginagawa,
Sila ba'y naaawa o Wala lang magawa?
Ang kanilang tugon, "Ito ang aming kontribusyong".

Di halos ako makapagsalita
Tila ba'y sinampal nang di inakala
Katotohanan ang siyang ipinakita
Oo, nakita ng aking mga mata
Tunay at siyang kahanga-hanga.

Isang araw ako'y nagising 
Bitbit ang puso't isipang gising na gising
Kasama ang mabuting adhikain
Magpalaganap ng tunay na mithiin
Para sa mga Kabataang kailan may hindi pinansin.
Makibagay, kumilos, at iparinig ang iyong adbokasiya
Para sa Kabataang nakikinig na may dalang pag-asa.
Huwag matakot sa anomang sasabihin ng iba
Ang mahalaga ay nakatulong at may nagagawa ka!

Ako at ikaw, sabay nating tutuparin ang ating adhikain
Oo, Tama ang narinig mo..ikaw!
Panahon nang gumising sa mahabang paghihimbing
Panahon nang tumayo, ipalaganap nang matuling
Panahon nang bumuka ng mga bibig kay tagal ng Sara
Ito na Ang panahon upang ipakita at ipamulat sa madla
Na may magagawa ka!

Naniniwala ako na tayo ang bubuo ng mundo
Nasa ating mga kamay Ang magiging mukha nito,
Kabataang Pilipino, natatangi saan mang sulok ng mundo
Patunay ng katatagan at hangaring pagbabago.

Tulad ng istorya ng ating kasaysayan
Binago ng mga taong may pangarap sa bayan
Ang buhay ng tao sa kasalukuyan
Binibigyang halaga ang bawat buhay ng kabataan
At ngayon, panahon na para sila ay suklian
Hindi sa pera o anomang karangalan
Kundi sundan ang kanilang sinimulan
Ipagpatuloy ang kanilang pinaglalaban.

Tayo ang magiging bayani ng kasalukuyan at ng hinaharap
Kaya't hawak kamay tayong mangangarap
Para sa ating magiging pamilya at mga anak
Na siyang bitbit at hawak-hawak
Ng mga ala-alang hindi kaylanman mawasak-wasak.

Sisimulan ko at sisimulan mo!
Ang lahat ng pagbabagong ito
Kumilos para sa kapwa-tao
Ipagsabi na may magagawa tayo
Sabay-sabay tutungo
Sa Isang lugar na mala-paraiso
Na lahat gawa at binuo ng Kabataang Pilipino.

Ngayon, naiisip mo na ba ang pwede mong magawa?
Mga adbokasiya o di kaya'y mga programa
Na gusto mong ipamahagi sa iba?
Gamitin mo ito bilang iyong ssndata
Sa bawat hamon na iyong makakasalamuha
Gabay ng Diyos, sayo'y itinalaga
Mamumuno ng pantay at may konsensya
Makabuluhang aral ang syang ibabandira.

Ako si Clyde Almaden,
Minsan nang nabulag na walang kayang magawa
Ngunit, ngayo'y pursigidong may ipapakita
Na ako'y Isang Kabataang may magagawa
Sa puso't isipan pati kaluluwa
Kampeon sa alin mang dako ng bansa
Dahil ako'y, 
KKK, Kampeong Kabataan ng Kasalukuyan.