Lusot na sa Senado ang prangkisa ng San Miguel Corp. para sa pagbuo ng domestic at international airport sa Bulacan para ma-decongest ang Ninoy Aquino International Airport.

Sa ilalim ng franchise bill, nakasaad na exempted ang airport developer mula sa lahat ng direct at indirect taxes at fees sa loob ng 10-taong construction period nito. Matapos naman ang construction period at sa loob ng remaining term ng prangkisa, exempted pa rin ang SMC sa income at real estate taxes.